U kapën për vrasje në tentativë, jepet masa e sigurisë për 2 të rinjtë

Gjykata e Elbasanit shpalli sot masën e sigurisë arrest me burg për të arrestuarit Brikin Rusta, Emanuel Rrapushi të cilët u kapen për tentativë vrasje si edhe Bojken Bahiti i cili u arrestua pasi iu gjetën në banesë drogë, armë dhe municion luftarak.

2 armë zjarri (1 kallashnikov dhe 1 PMSH), municion luftarak, lëndë narkotike cannabis sativa dhe një radio si të Policisë.

Më datë 26.05.2023 Policia Elbasan njoftoj finalizimin e operacionit të koduar Plani ku një grup të rinjsh do ekzekutonin një person tjetër. Gjatë operacionit janë arrestuar shtetasit Brikin Rusta, Boiken Bahiti, Emanuel Rrapushi si dhe u shpall në kërkim shtetasi Klaudjo Sulmina. Këto shtetas dyshohet se do të ekzekutonin Mariglen Hidën.

Në dëshminë e tij para OPGJ, Emanuel Rrapushi ka deklaruar se:

“Kam qenë duke pirë kafe tek një lokal, tek tabakino kur më erdhi Brikin Rusta më tha hajde të pimë një cigare hashash. Shkova me të dhe me Boiken Bahitin i njohur ndryshe me pseudonimin KANADEZI. Kemi shkuar përball shtëpisë së Kanadezit dhe aty Brikin Rusta ka nxjerr nga xhupi një armë tip Kallashnikov ak47 dhe në moment që e nxjerr i bie karikatorja nga Foleja.

Aty u tremba dhe i kam thënë që unë nuk kam ardhur për këtë punë dhe u largova. E gjithë skena është filmuar nga kamerat të sigurisë të shtëpisë së  kanadezit.” Ka deklaruar para OPGJ Emanuel Rrapushi një prej të arrestuarve në kuadër të operacionit PLANI.

LEXONI GJITHASHTU:

• I shpallur në kërkim për vrasje në tentativë, arrestohet 23-vjeçari

• Ministrja e Ekonomisë: Pagat e muajit maj do të kalojnë siç ishin para reformës