“Vuçiç ankohej dhe gënjente”, Osmani: Takimi me këmbënguljen e Scholz dhe Macron

Presidentja e Kosovës, Vjosa Osmani në një konferencë për media pas samitit të dytë të liderëve të Komunitetit Politik Evropian, tha se takimi me Vuçiçin ishte një kërkesë nga presidenti Macron dhe kancelari Scholz.

Ajo theksoi se ishte një takim informal dhe jo negociues.

Osmani u shpreh se presidenti serb, Vuçiç “ankohej, vajtonte dhe nuk tregonte të vërtetën në takimin me të”.

“Nuk kisha asnjë plan të takohesha me Vuçiçin. Sigurisht, dialogu në mes Kosovës dhe Serbisë është i vazhdueshëm në Bruksel. Ishte një insistim që nga mëngjesi nga shumica e liderëve evropianë dhe sigurisht, si presidentja e njerëzve të Kosovës dua të tregoj konstruktivitetin që është një virtyt i popullit tonë, të tregojmë vullnetin se mund të flasim me të gjithë. Kjo nuk është hera e parë që e gjejmë veten me Vuçiçin në një takim të tillë. Por më duhet të them se ky takim, i cili ishte një takim me insistimin e presidentit Macron dhe kancelarit Scholz, kërkesë e tyre të cilën e respektova, duke qenë se janë disa nga aleatët tanë më të afërt, nuk ishte një takim negociues, por një shkëmbim pikëpamjesh. Mund të them se Vuçiç shkëmbeu pamjet, ai vajtonte dhe ankohej dhe sigurisht, nuk tregonte të vërtetën që është një virtyt i tij”, tha ajo.

LEXONI GJITHASHTU:

• Eksperti: Kurthi i Vuçiç për Kurtin, ja pse kërkoi ndërhyrjen e Erdogan
• Sanksionet nga SHBA dhe tensionet, Kurti: Më ka zgjedhur populli, nuk jam i emëruar