EMRAT| Me furgonin plot me emigrantë të paligjshëm, arrestohen dy persona në Korçë

Policia e Korçës ka arrestuar shtetasit Tahir Murati dhe Ali Peposhi, të cilët u ndaluan në flagancë duke transportuar 10 emigrantë të paligjshëm nga vendet e treta.

Dyshohet se këta dy persona në bashkëpunim me njëri tjetrin u merrnin emigrantëve shuma nga 300 deri në 1000 euro për t’i ndihmuar të kalonin në mnëyrë të paligjshme kufirin.

Policia ka sekuestruar furgonin me të cilin po transportoheshin emigrantët, dy celularë dhe një vlerë monetare.

Materialet procedurale në ngarkim të tyre i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

“Dy shtetasit e mësipërm u kapën në flagrancë nga shërbimet e Policisë, në unazën e qytetit të Korçës, pranë vendit të quajtur “Kryqëzimi i Ersekës”, teksa po transportonin me një automjet (furgon), me drejtues shtetasin T. M. dhe pasagjer shtetasin A. P., kundrejt pagesave 300-1000 euro/person, 10 emigrantë nga vendet e treta, me qëllim kalimin ilegal të kufirit, me destinacion final shtetet e BE-së”, njofton policia.

LEXONI GJITHASHTU:

• Prodhonte mina për grupet kriminale, arrestohet “tregtari i armëve” në Lezhë
• U zunë për motive banale, 49-vjeçari qëllon me thikë të vëllanë
• Vodhi dhe dhunoi 2 shtetas, arrestohet nënkomisari i policisë në Shkodër