Spahiu: Albin Kurti shkatërroi 30 vite miqësi të ndërtuara SHBA-Kosovë

Juristi Kreshnik Spahiu deklaroi në një intervistë për Euronews Albania se kryeministri i Kosovës Albin Kurti shkatërroi 30 vite miqësi të ndërtuara mes SHBA-së dhe Kosovës.

Sipas tij qasja e Kurtit ndaj situatës në Veri ka bërë që të vendosen me radhë sanksionet për shtetin e Kosovës.

Ndërsa i renditi, juristi shtoi se që prej ditës së djeshme në Moldavi, Kurti është njohur me këto sanksione.

“Albin Kurti është sanksionuar që dje sepse garantuesit dhe autorët e projektit franko gjerman, presidenti Macron dhe kancelari Scholz takuan presidenten e Kosovës, Vjosa Osmani të cilës i është dhënë një mesazh i qartë që deri në zgjidhjen e krizës, Albin Kurti nuk do të jetë pjesë e bisedimeve të dialogut, as me Serbinë, as me Perëndimin, as me Bashkimin Europian dhe as me Shtetet e Bashkuara të Amerikës. Ky është sanksioni që kanë vendosur autorët e projektit franko-gjerman. Ndërkohë Shtetet e Bashkuara të Amerikës i kanë vendosur 4 sanksione të qarta: ndërprerja e stërvitjes ushtarake me NATO-n, përfshirja në stërvitjen ushtarake të Defender 23, ndërprerja dhe pezullimi i lobimit për njohjen e shtetit të Kosovës nga shtetet që nuk e kanë njohur si dhe mos pranimi i asnjë zyrtari të qeverisë Kurti në Uashington,” – u shpreh Spahiu.

LEXONI GJITHASHTU:

• Spahiu: Kosova s’është e pushtuar nga SHBA që Albini të kerkoj më shumë sovranitet
• Spahiu: Lirimi i Tahirit, bast i humbur i SHBA-së për dënimin e peshqve të mëdhenj