Bardhi: Si na refuzoi grupi “Berisha” hap pas hapi dhe ku ndryshon kërkesa jonë

Kreu i grupit të partisë demokratike Gazment Bardhi tha në emisionin Now në Euronews Albania se platforma e paraqitur prej tij është vetëm një qëndrim se si e sheh grupi i PD rrugën e zgjidhjes së krizës brenda partisë.

Sipas Bardhit, grupi që mbështet Berishën nuk ka paraqitur asnjë propozim, as në të shkuarën dhe nuk ka pranuar asnjë nga propozimet e grupit për të ndalur përçarjen.

“Pala tjetër nuk ka bërë asnjë propozim, as në të shkuarën. Pas largimit të Bashës qëndrimi i grupit ishte që të ndërtonim një proces të përbashkët që të mos përçahej partia. E përforcuam këtë kur grupi i PD nisi ndërtimin e strukturave paralele jashtë partisë. E vijuam këtë në tetor kur propozuat një platformë si të dilnim me një kandidat të përbashkët. Në 6 mars u ofruam mundësinë që të dilnin ata me kandidatët e tyre, por nën logon e PD dhe ky është propozimi i radhës që është mënyra si e shikojmë ne zgjidhjen e situatës në PD”, tha Bardhi.

LEXONI GJITHASHTU:

• Gazment Bardhi: Si lindi platforma për bashkimin e Partisë Demokratike
• Mbledhja e grupit parlamentar të PD-së, zbardhet propozimi i Bardhit