Rama asnjë komunikim për Kosovën, Begaj: Unë jam në kontakt të vazhdueshëm

Kryeministri Edi Rama ka deklaruar se nuk ka pasur komunikime sa i takon situatës në Veri, ndërsa presidenti Bajram Begaj ka konfirmuar se është në komunikim të vazhdueshëm me Kosovën.

Ai u shpreh se ka folur me autoritetet më të larta të Kosovës, po ashtu dhe me komandatin e KFOR-it e disa presidentë të rajonit.

“Në telefonatat e mia me autoritetet e larta të Kosovës kam shprehur mbështetjen e Shqipërisë për Kosovën dhe kam vendosur theksin në domosdoshmërinë e zbatimit së marrëveshjes së dakordësuar publikisht në Bruksel dhe të anekseve të dakordësuara në Ohër. Duhet të fokusohemi tek prioritetet dhe jo tek ato që janë gjëra sekondare.

E përsëris që për mua sovraniteti dhe integriteti i Republikës së Kosovës është i padiskutueshëm nëse ndërtimi i institucioneve demokratike atje është gjithashtu i domosdoshëm. Për të ardhur te qëndrimi për zhbllokimin e situatës, unë kam bërë një thirrje vëllazërore për autoritetet e Kosovës që në këtë situatë duhet të kenë durim, duhet të kenë maturi dhe duhet të dëgjojnë dhe të koordinohen me partnerët tanë strategjik,” – u shpreh Begaj.

Presidenti shtoi se dhuna nuk është zgjidhje dhe ky konflikt i dhunshëm nuk duhet të jetë asnjëherë opsion. Sipas Begajt zgjidhja e vetme është dialogu.

LEXONI GJITHASHTU:

• Andi Bushati: Loja e fjalëve që bëri Edi Rama sot për të mos thënë asgjë për Dakon
• Begaj pret presidenten e Hungarisë: Vlerësova marrëdhëniet historikisht miqësore