Rama: Nëse ndërkombëtarët i kthejnë shpinën Kosovës, futet në ditët e zeza të saj

Kryeministri Edi Rama, në një deklaratë për mediat ka folur së fundmi për situatën e tensionuar në Veri të Kosovës.

Ai tha se ndërkombëtarët janë të zotët e shtëpisë  në Kosovë dhe në momentin që ato i kthejnë shpinën, vendi futet në ditët më të zeza të saj..

Me tej ai nënvizoi se do të mbështesë Albin Kurtin deri në fund.

“Ndërkombëtarët janë limfa vitale e Kosovës. Momenti që ata i kthejnë shpinën Kosovës, ajo futet në ditët e saj më të zeza. Unë nuk jam këtu për të bërë komente për Albin Kurtin. E kam mbështetur në të gjithë procesin e dialogut, dhe kur e sulmuan disa qorra  pse u ul me Vuçiç në tavolinë. Unë do e mbështes Kurtin deri në fund në rrugën drejt njohjes së ndërsjellë dhe shpëtimin përfundimtar të Kosovës. 5 vende në mes të Europës nuk e njohin akoma. Në vend që të merremi me këtë, merremi me policë në godina boshe. Duhen shpallur zgjedhjet e reja menjëherë. Duhet të tërhiqet policia menjëherë. Nuk ka pse rri kot në godina bosh. Është e vështirë të mendosh Kosovën pa ndërkombëtarët. Ajo që mund të ndodh është shumë e rëndë”- tha ai.

LEXONI GJITHASHTU: 

• “Rrezikohet që Veriu t’u kalojë të huajve”- Rama: Jam i shqetësuar për ultimatumet
• Masakroi gruan me thikë, autori në Gjykatë: Për xhelozi e bëra, s’e gjeta në rregull