Arrestohet 31-vjeçarja në Tiranë, i mori 10 mijë eurro një burri përmes mashtrimit

Një 31-vjeçare është arrestuar nga policia e Tiranës, pasi i mori përmes mashtrimit një shumë prej 10 mijë euro një shtetasi nga Malësia e Madhe.

Në kërkim është shpallur nga uniformat blu dhe bashkëpunëtori i 31-vjeçares, shtetasi S. Gj., 34 vjeç.

Të dy këta persona mashtruan një 49-vjeçar se do ta ndihmonin që të shkonte në Kanada.

Materialet procedurale në ngarkim të tyre i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

“Specialistët e Seksionit për Hetimin e Krimeve Ekonomike dhe Financiare, pas kallëzimit nga një shtetas, për një rast të marrjes së parave me anë të mashtrimit, kanë organizuar dhe finalizuar operacionin policor të koduar “Premtimi”, si rezultat i të cilit u bë ndalimi i shtetases A. Ll., 31 vjeçe dhe u shpall në kërkim shtetasi S. Gj., 34 vjeç, të dy banues në Tiranë.

Këta dy shtetas, në bashkëpunim me njëri-tjetrin, dyshohet se i kanë marrë shumën 10 000 euro, shtetasit B. Gj., 49 vjeç, banues në Malësi të Madhe, duke i premtuar se do ta ndihmonin atë që të shkonte në Kanada”, njofton policia.

LEXO GJITHASHTU:

• Përdhunoi 20-vjeçaren me probleme të shëndetit mendor, në pranga 57-vjeçari
• Aksident i trefishtë, shoferi i dehur përplas mjetet me paratë e bankës