Rekordi negativ i Nadal, Tenisti spanjoll humbet shumë vende, renditet i 136 në botë

Prej vitesh i cilësuar si një ndër tenistët më të mirë në botë, Rafael Nadal duket se jo vetëm që nuk mund të jetë i pari, por madje as në 100 më të mirët në botë.

37-vjeçari regjistron një bilanc negativ, ndërsa tanimë renditet i 136-ti në botë, ndërsa rivali i tij Novak Djokovic qëndron në majë të botës.

Pak orë më parë, ndërsa serbi mposhtte në finalen e Roland Garros Casper Ruud dhe duke rrëmbyer fronin botëror, Nadal ra disa vende në renditje, madje duke mos siguruar dot as një pozitë mes 100 më të mirëve.

Për herë të fundit që diçka e tillë ndodhte, Nadal ishte vetëm 16 vjeç konkretisht më 14 prill 2003, pra 20 vite më parë. Asokohe kishte vetëm pasionin dhe dëshirën e madhe për të arritur majat, ndërsa eksperienca për spanjollin erdhi hap pas hapi.

Me mungesën e Nadalit në top-100, tenisit spanjoll për meshkuj i ka mbetur shtatë përfaqësues në elitën e raketave. Ky i fundit ka mundur të lërë pas vetëm 14 sportistë.

LEXONI GJITHASHTU:

• Pa kanalizime, me gropa dhe pluhur, banorët e Gjinari turistik ankohen për rrugën
• Inspektim te bizneset turistike në Velipojë, a respektohen hapësirat e shezlongëve