Inspektim te bizneset turistike në Velipojë, a respektohen hapësirat e shezlongëve

Përfaqësues të Agjencisë Kombëtare të Bregdetit në bashkëpunim me prefekten e Shkodrës, Policinë e Shtetit dhe atë Bashkiake zhvilluan një aksion në plazhin e Velipojës për të verifikuar respektimin e hapësirave nga bizneset e shezlongëve.

Prefektja e Shkodrës Majlinda Angoni tha se nga ky sezon nuk do të ketë më kontrata 5-vjeçare për shfrytëzimin e bregdetit por vetëm 1-vjeçare.

Aksioni vijoi në terren ku pas verifikimeve pati dhe pakënaqësi dhe pretendime nga bizneset.

Lidhur me këto reagime dhe pretendime të bizneseve për parregullsi në ndarjen e parcelave, i pyetur nga mediat, përfaqësuesi rajonal i Agjensisë Kombëtare të Bregdetit, Bujar Shpendi tha se po vijojnë inspektimet në terren.

Pushuesit e shumtë që ndodheshin në Velipojë për disa momente e panë veten të rrethuar nga forcat e policisë. Për disa, një skenë e tillë duket normale ndërsa për të tjerë aspak.

Pavarësisht të gjithave skena të tilla me forca policie përgjatë vijës bregdetare nuk ndihmojnë aspak zhvillimin e sezonit turistik dhe lënë një shije të keqe tek pushuesit.

LEXONI GJITHASHTU:

• Kush është 19-vjeçari i shumëkërkuar për vrasjen e 4-fishtë në Velipojë (Emri)
• I shpallur në kërkim për vrasjen e 4-fishtë në Velipojë, arrestohet në Itali autori