Vjosa Osmani thirrje grave: Ndiqni synimet tuaja, kështu endërrat mund të jetësohen

Presidentja në detyrë e Kosovës, Vjosa Osmani gjatë fjalës së saj në Kuvendin e Shqipërisë dha edhe një mesazh për gratë, ku u shpreh se duhet të ndjekin synimet e tyre dhe nuk duhet të dorëzohen.

Sipas znj.Osmanit vetëm në këtë mënyrë ato do të arrijnë majat në profesionet e tyre.

“Si kryetare e Kuvendit të Kosovës, si e para grua në këtë detyrë dhe si presidente në detyrë e re e republikës, unë dua t’i thërras, sidomos të rinjtë e vendeve tona, sidomos gratë dhe vajzat e këtij vendi t’i ndjekin synimet e tyre dhe të besojnë se ëndrrat mund të jetësohen.Të mos dorëzohen para asnjë sfide dhe të këmbëngulin në vlerat e tyre. Një ditë të gjitha ato do të jetë aty ku duan dhe aty ku meritojnë në majat e profesioneve të tyre, të politikës dhe biznesit. Sikurse çdo shtet tjetër dhe Kosova dhe Shqipëria do të ketë sukses vetëm atëherë kur të shfrytëzojnë edhe potencialin e 50% të popullatës së tyre që përbëjnë gratë”, u shpreh  znj.Osmani.

Lexoni gjithashtu:

Vjosa Osmani: Kuvendi i Shqipërisë të na bashkohet për miratimin e rezolutës që dënon gjenocidin serb