Dyshohet i përdorur në ngjarje kriminale, gjendet automatiku i murosur në Shkodër

Policia e Shkodrës ka sekuestruar një armë zjarri tip automatik dhe municion luftarak në Shkodër.

Strukturat e Komisariatit të Policisë Shkodër, në bazë të informacioneve të siguruara nga inteligjenca policore, se në një banesë po tentohej të murosej një armë zjarri kallashnikov që dyshohet se mund të jetë përdorur në ngjarje kriminale, kanë ndërhyrë menjëherë për kontroll në banesën e shtetasit Gj. M., banues në lagjen ‘’Skënderbeg’’, Shkodër.

Gjatë kontrollit në banesën e këtij shtetasi, shërbimet e Policisë gjetën një armë zjarri automatik, me një krehër me 30 fishekë, të cilat u sekuestruan në cilësinë e provës materiale dhe do të dërgohen për ekzaminim të mëtejshëm në Institutin e Policisë Shkencore.

Në momentin e kontrollit në banesë është gjetur vetëm një i moshuar, i cili është proceduar në gjendje të lirë për shkak të moshës.

LEXONI GJITHASHTU:

• Parandalohet vrasja në Elbasan, autori hedh kallashin përtokë dhe largohet
• Balliu: S’do dilja me kallash në Shkodër, kam mbaruar në Angli për politikë jo qitje