Zjarrfikësit pa staf në Shkodër, reparti me 30 punonjës, s’mulohen nevojat e qarkut

“Edhe këtë vit afrimi i stinës së nxehtë  njëherësh dhe sezoni turistik e gjejnë me mangësi në numër efektivësh repartin e zjarrfikës në Shkodër”

Një gjë të tillë e ka konfirmuar për Euronews Albania Shefi i repartit zjarrfikës në Shkodër Agim Ponari i cili ka konfirmuar se aktualisht janë vetëm 30 punonjës zjarrfikës në strukturë.

“Numrini efektivëve që operojnë në operacion janë 30, aktualisht 27. Duke ju bazuar dhe ligjit të miratuar në kuvendin e republikës, një zjarrfikës duhet të jetë maksimumi për 2 mijë banorë që do të thotë të paktën 100 por neve nuk e kërkojmë këtë numër . Kërkojmë të paktën 50 vetë të jenë në operacion sepse kemi dhe një automjet që do ta dërgojmë në Velipojë , ta mbulojmë dhe Velipojën për sezonin e verës, pasi këta persona do ta mbulojnë dhe atje”,-tha Agim Ponari, drejtor zjarrfikës Bashkia Shkodër.

Pavarësisht kësaj Ponari thotë që do bëhet maksimumi për të përballuar me sukses stinën e nxehtë. Vështirësinë në sezonin veror e shton dhe përdorimi i bombolave të gazit nga bizneset për të cilët Ponari apelon për kujdes të shtuar.

 “U bëj thirrje qytetarëve të mundohen me çdo kusht të largojnë këto bombula. Janë në çdo moment rrezik për jetën e atij banori, rrezik për banesën . Këto bombula duhet të rimbushen vetëm në pikat ku kamë licensën për këtë punë . Nuk duhet të mbushen bombula në pikat e karburantit ”-tha Agim Ponari, drejtor zjarrëfikës Bashkia Shkodër.

Nisur dhe nga sezonet e kaluara ku shumë zjarre janë shkaktuar dhe nga pakujdesia , Ponari ka një thirrje dhe për drejtuesit e automjeteve dhe barinjtë që të bëjnë kujdes me hedhjen e cigareve.

Punën e zjarrfikësve e vështirëson jo pak dhe  prokuroria e cila çdo vit ka nisur procedime penale për zjarrvënjet por asnjëherë nuk ka pasur persona që tu jenë vendosur prangat për zjarrvënje .

LEXONI GJITHASHTU:

• 1000€ Ferrari dhe fustane të vajzave të ekranit, shifrat e luksit të maturantëve
• Serbia respekton sanksionet e BE kundër Sirisë, por nuk mbështet ato kundër Iranit