Sulmohet me gurë në Zveçan kamioni që vinte nga Shqipëria, detajet e para

Një qytetar nga Shqipëria ka bërë ankesë në policinë e Kosovës, se është sulmuar me gurë ndërsa po kalonte me kamion në Rudar të Zveçanit.

Sipas dëshmisë së tij ai është sulmuar nga 5-6 persona të panjohur të cilët e kanë sulmuar me gur dhe i kanë dëmtuar derën e kamionit.

Autorët më pas janë larguar në drejtim të panjohur.

“Rudar, Zveçan 17.06.2023-19:00. Ankuesi mashkull Shqiptar shtetas i Shqipërisë ka raportuar se ka qenë me kamion, 5-6 persona të panjohur e kanë sulmuar me gurë dhe i kanë dëmtuar derën e kamionit dhe janë larguar në drejtim të panjohur, rasti në procedurë hetimore”,-thuhet ne njoftimin e policisë.

LEXONI GJITHASHTU:

• Bllokohen 3 mjete lundruese në bregdet, një prej skafeve dyshohet se është i vjedhur
• Luarasi: Ka epsh të madh, shumë burra përdorin pushtetin për marrëdhënie seksuale