Zbardhet plagosja në Vlorë, 3 persona të shpallur në kërkim

Një 33-vjeçar mbeti i plagosur me armë zjarri dje në Vlorë pas një konflikti për motive të dobëta. Policia ka identifikuar 3 shtetas si të dyshuar për ngjarjen dhe i ka shpallur në kërkim.

• H., alias B. B., 41 vjeç, banues në Sherishtë;
• Xh., 28 vjeç, banues në Vlorë;
• O., 27 vjeç, banues në Vlorë.

Administratori i lokalit ku ndodhi ngjarja, ambient ku organizoheshin dhe lojëra fati është nën hetim.

Njoftimi i policisë:

Nga veprimet hetimore të kryera dyshohet së këta 3 shtetas, në bashkëpunim me njëri-tjetrin, në ambientet e një lokali të administruar nga shtetasi K. L, në lagjen “Pavarësia 3”, kanë tentuar të vrasin me armë zjarri, për motive të dobëta, shtetasin T. R (H), 33 vjeç, banues në Vlorë, i cili për pasojë ka mbetur i dëmtuar në gjymtyrët e poshtme të tij.

Gjatë këqyrjes së vendit të ngjarjes, u gjetën dhe u sekuestruan në cilësinë e provës materiale, 4 gëzhoja arme zjarri dhe 1 fishek luftarak me kapsollë të padëmtuar, të cilat u dërguan në Institutin e Policisë Shkencore, për kryerjen e ekzaminimeve të mëtejshme.

Vijon puna intensive për kapjen e 3 shtetasve të shpallur në kërkim dhe për vënien e tyre përpara përgjegjësisë penale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.

LEXONI GJITHASHTU:

• Aksident në Vlorë, një i ri pëplas me motor vajzën 11-vjeçare
• EMRI| Të shtëna me armë zjarri në Vlorë, plagoset një person