Me bakllava e ëmbëlsira të tjera, Albin Kurti viziton policët në veri të Kosovës

Kryeministri i Kosovës Albin Kurti ka shpërndarë një video në rrjetin social Facebook, ku shfaqet duke shpërndarë ëmbëlsira për policët e veriut të Kosovës.

Ai ka shkruar në postimin e tij se ata kanë diskutuar për sigurinë publike, pasi sipas tij përgatitja e lartë profesionale është garanci për zbatimin e ligjit.

“Bakllava e ëmbëlsira për policët tanë në veri të vendit. Bashkë me Ministrin e Punëve të Brendshme, Xhelal Sveçla dhe zëvendësin e tij, Blerim Gashani, vizituam njësitet tona te Kroi i Vitakut. Përgatitja e lartë profesionale është garanci për zbatimin e ligjit dhe për sigurinë si e mirë publike që u ofrohet të gjithë qytetarëve pa dallim. Diskutimin e vazhduam edhe në qendrën “Belvedere””,-shkruan Albin Kurti.

LEXONI GJITHASHTU:

• “Titani” del në breg i copëtuar, publikohen fotot e para të nëndetëses
• Kurti viziton Mitrovicën e Veriut, shoqërohet nga ministri Sveçla