Djegia e Ku’ranit në Stokholm, protestuesit hyjnë në ambasadën suedeze në Bagdad

Protestuesit hyjnë në ambasadën suedeze në Bagdad pas djegies së Kuranit në Stokholm

Demonstruesit thyen perimetrin e ambasadës suedeze në Bagdad të enjten, një ditë pasi një protestues dogji një kopje të Kuranit në Suedi.

Protestat në kryeqytetin irakian u urdhëruan nga kleriku i fuqishëm irakian, Muqtada al-Sadr, i cili gjithashtu bëri thirrje për dëbimin e ambasadorit suedez në Bagdad.

Videot që qarkulluan në mediat sociale treguan disa protestues duke u ngjitur mbi një mur  jashtë ambasadës.

Është e paqartë se sa larg arritën në ndërtesë, përpara se të tërhiqeshin.

Suedia tha se stafi i saj ishte i sigurt.

“Ne jemi të informuar mirë për situatën. Stafi ynë i Ambasadës është i sigurt dhe Ministria e Punëve të Jashtme është në kontakt të rregullt me ​​ta”, tha zyra e shtypit e Ministrisë së Jashtme suedeze për CNN në një email.

Një burim i sigurisë irakiane konfirmoi për CNN se incidenti kishte përfunduar.

Agjencia e lajmeve AFP raportoi se protestuesit ishin brenda kompleksit për rreth 15 minuta.

Protestat në Bagdad erdhën pas një incidenti në kryeqytetin suedez, Stokholm, të mërkurën, kur një burrë dogji një kopje të librit të shenjtë të Islamit jashtë një xhamie.

LEXONI GJITHASHTU: 

• Sulmohen me thikë profesori dhe dy studentë në Kanada, arrestohet autori
• Festivali në funksion të artizanëve, tërheqin vëmendjen e turistëve