Pandemia Covid-19, 18 të vdekur në Maqedoninë e Veriut

Gjatë 24 orëve të fundit në Maqedoninë e Veriut kanë humbur jetën 18 qytetarë nga Covid-19. Lajmi është bërë publik nga Ministria e Shëndetësisë, e cila thekson se nga 1253 teste të kryera, 296 prej tyre janë konfirmuar pozitivë.

Pavarësisht numrave të infektimeve, tregues pozitiv mbetet numri i të shëruarve. Instituti i Shëndetit Publik deklaron se falë ndihmës së mjekëve, 511 qytetarë janë shëruar nga coronavirus, duke e çuar totalin e tyre në 59 231, që nga fillimi i epidemisë.

Në Maqedoninë e Veriut për shkak të Covid-19 kanë ndërruar jetë deri tani 2455 qytetarë. Ndërkohë autoritetet shëndetësore në vendin fqinj ftojnë qytetarët të tregojnë kujdes, të ruajnë masat distancuese dhe të shmangin ato vende, ku vihen re grumbullime masive.