Përmbytje në Angli, stuhia “Bella” ka detyruar evakuimin e 1300 personave

Qindra persona janë detyruar të evakuojnë shtëpitë teksa Britania e Madhe është përfshirë nga moti i keq që ka sjellë përmbytje dhe erëra të forta.

Stuhia “Bella” ka detyruar autoritetet në Bedfordshajër që të evakuojnë mbi 1300 persona që banojnë përgjatë lumit Ouz për shkak të rrezikut të përmbytjeve, teksa stuhia ka sjellë erëra që kalojnë shpejtësinë 100 km/h.

“Të gjithë u angazhuam që nga dita e djeshme e deri në mëngjes, duke vendosur thasë me rërë dhe duke u përgatitur për përmbytje të mundshme”, tha Jan Schofield, rezidente në Bedford.

“Ju lutemi ti lini mënjanë heroizmat. Ju lutem ndiqni udhëzimet dhe mos veproni me mendjen tuaj. Gjithashtu jemi në situatë pandemie dhe shifrat e të infektuarve janë ende shumë të larta”, tha Philip Simpkins, Shef ekzekutiv në Kontenë e Bedford:

Në Britani janë dhënë alarme për përmbytje edhe në 98 lokacione të ndryshme, çka nënkupton se janë marrë masa në zonat ku rreziku është më i lartë.

Erërat e forta kanë bërë që hekurudhat në lindje të Londrës dhe në Kent të bllokohen nga inertet dhe të shtyhen oraret e trenave.