Ndërtuan pa leje në bregdetin e Ksamilit, procedohen 11 persona

Policia ka njoftuar se është finalizuar operacioni policor i koduar “Coastline”. Si rezultat i operacionit do të ndiqen penalisht 11 persona pasi janë kapur duke kryer punime të ndryshme ndërtimi, pa lejen e organeve kompetente, disa prej tyre edhe në tokë publike, duke zënë kështu hapësirën publike në bregdetin e Ksamilit.

F.F., 38 vjeç, K. Ç., 26 vjeç, G. H., 43 vjeç, E. D., 66 vjeç, E. J., 37 vjeç, G. A., 54 vjeç, M. Q., 41 vjeçe, O. B., 36 vjeç, Th. B., 50 vjeç, V. M., 45 vjeç dhe L. K., 27 vjeç, do të ndiqen penalisht për veprat penale Ndërtimi i paligjshëm” dhe “Pushtimi i tokës”.

“Gjatë kontrolleve të ushtruara nga shërbimet e Policisë, në zonën e Ksamilit, këta shtetas janë konstatuar nga shërbimet e Policisë, duke kryer punime të ndryshme ndërtimi, pa lejen e organeve kompetente, disa prej tyre edhe në tokë publike, duke zënë kështu hapësirën publike.

Kontrollet do të vijojnë në të gjithë vijën bregdetare të qarkut Vlorë, me qëllim konstatimin e ndërtimeve të paligjshme, si dhe për goditjen e çdo krimi tjetër kundër mjedisit.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme, për veprat penale “Ndërtimi i paligjshëm” dhe “Pushtimi i tokës””,-thuhet në njoftimin e policisë.

LEXONI GJITHASHTU:

• Tiranë, dy persona kërcënojnë dhe dhunojnë me sende të forta gruan e mbesën e saj
• Dhunoi bashkëjetuesen dhe i postoi video, arrestohet 40-vjeçari në Tiranë