Operatori turistik: Të rinjtë studiojnë turizëm, por nuk dinë asgjë në praktikë

Operatori turistik, Aneo Hila tha në një intervistë për Euronews Albania se pavarësisht se studiojnë për turizëm në praktikë nuk dinë asgjë.

Kjo, sipas tij, sjell problemet me turizmin sot në Shqipëri.

“Na duhet me patjetër që të kemi më shumë prurje të mirëedukuara nga bangat e shkollës. Ne këtu marrim në intervista shumë të rinj që vijnë nga bangat e shkollës dhe i shikojmë që nuk kanë aftësi praktike të zbatueshme në terren. Mësojnë teori plot, por në fund të ditës nuk dinë se si t’i aplikojnë. Pra, buron problemi që në mënyrën se si ata edukohen, që edukohen vetëm në teori dhe jo në praktikë. Duhet rregulluar si praktikë, duhet rregulluar sistemi i mënyrës se si edukohen në universitet nxënësit,” – u shpreh Hila.

LEXONI GJITHASHTU:

• Italianët menaxherë në Vlorë, ekspertët e turizmit do të sjellin përvojën e tyre
• Revoltohet Rama: Do të vriteshin serbët se nuk erdhën për turizëm në Kosovë