Revolucion në PSG| Zyrtarizohet trajneri i ri, francezët afrojnë mbrojtësin Skriniar

Shkarkimi i trajnerit Galtier është shoqëruar me ndryshime të shumta tek skuadra e PSG, me klubin francez i cili ashtu siç u bë me dije, ka zyrtarizuar teknikun Luis Enrique. 53-vjecari është një emër i njohur i trajningut spanjoll, ndërsa ka arritur të fitojë Ligën e Kampionëve me Barcelonën në 2015-ën. Enrique ka firmosur për 2 sezone me parizienët, të cilët pavarësisht fitimit të kampionatit, ishin të pakënaqur me trajnerin Galtier.

Pak orë pas zyrtarizimit të Enrique u konfirmua dhe emri i qendërmbrojtësit të Interit, Milan Skriniar. 28-vjeçari sllovak prej 7 vitesh lunate në Serinë A, e së fundmi ishte pjesë e Interit. U deshën disa muaj tratativa mes dy klubeve për arritjen e marrëveshjes, ndërsa do të jetë pjesë e francezëve deri në vitin 2028.

Në një intervistë dhënë për kanalin zyrtar të klubit, Skriniar u shpreh i lumtur për këtë kalim

“Ishte një zgjedhje e thjeshtë për mua. Kur një klub si PSG dëshiron të të marrë, zgjedhja bëhet shpejt. Kur mora vesh që kisha mundësi të vija këtu, u gëzova shumë. Jam shumë krenar që jam pjesë e kësaj familjeje shumë të bukur të PSG-së dhe mezi pres të takohem me tifozët. Parisi është magjik”

Milan Skriniar ishte një ndër mbrojtësit më të mirë të kampionatit Italian, ndërsa kërkohej dhe nga skuadra e Barcelonës.

LEXONI GJITHASHTU:

• Mbrojtësi shqiptar firmos në Premier League, Zabeli zyrtarizohet tek Brentford
• Sezoni i ri i Serisë A, Derbi i Madoninës luhet më 17 shtator