Kultivonin dhe shisnin kanabis, arrestohen tre të rinj në Durrës

Tre të rinj kanë rënë në prangat e uniformave blu në Durrës pasi akuzohen për kultivim dhe shitje të lëndëve narkotike.

Në bashkëpunim me njëri-tjetrin dy kushërinjtë Dorian Lika, Erald Lika dhe Klevi Diva u arrestuan në flagrancë pranë vendit ku kishin kultivuar bimët narkotike.

Policia ka ushtruar kontroll në fshatin Ishëm ku ka gjetur dhe asgjësuar 70 bimë të dyshuara narkotike cannabis sativa.

Ndërsa tre të rinjve iu gjet një sasi lënde e dyshuar narkotike cannabis sativa e ndarë në disa doza të gatshme për shitje, e cila u sekuestrua në cilësinë e provës materiale.

Policia po punon për të identifikuar dhe kapur edhe persona të tjerë të cilët janë përfshirë në këtë veprimtari kriminale.

LEXONI GJITHASHTU: 

• Alqi Bllako para GJKKO: Jam i pafajshëm, zgjidhja vetëm anëtarët e komisionit
• Revolucion në PSG| Zyrtarizohet trajneri i ri, francezët afrojnë mbrojtësin Skriniar