Frikë nga varianti i ri i COVID, Mbretërinë e Bashkuar ashpërson masat

Pas konstatimit të dy varianteve të reja të coronavirusit, Mbretëria e Bashkuar ka përforcuar masat kundër epidemisë në mbarë vendin.

Më 14 dhjetor, në Britani u zbulua varianti i parë i ri që dyshohet se transmetohet më lehtë mes njerëzve.

Ndërsa më 23 dhjetor u zbulua varianti i dytë, që krahasuar me të parin përhapet më shpejt dhe ka më shumë mundësi të bjerë pre e mutacioneve.

E përballur me kushte të tilla, Londra dhe disa zona të Anglisë kanë hyrë në kufizimet e parashikuara në nivelin e katërt të rrezikut.

Grupi i shkencëtarëve që këshillon qeverinë britanike u ka bërë thirrje të gjitha rajoneve të Anglisë, që të ngrenë kufizimet në nivelin më të lartë.

Edhe Skocia dhe Irlanda e veriut, që mund të vendosin individualisht, po aplikojnë masa më të ashpra që prej 26 dhjetorit.

Mbi 30 mijë e 500 persona të tjerë rezultuan pozitivë në testet për COVID në Britani, duke e çuar totalin e personave të infektuar mbi 2.2 milionë.

Ndërkohë, 316 të tjerë humbën jetën brenda 28 ditëve, duke e çuar numrin e viktimave nga coronavirusi mbi 70 mijë e 700 njësi.

Sipas informacioneve të publikuara nga Organizata Botërore e Shëndetësisë, varianti i ri i virusit që u zbulua në Mbretërinë e Bashkuar është konstatuar edhe në Australi, Danimarkë, Itali, Islandë, Holandë, Gjermani, Kanada dhe Japoni.