Publikohet foto| Kush është Valter Bami, i arrestuari për atentatin në Larushk

Valter Bami është arrestuar këtë të enjte për veprën penale “Mbajtja pa leje dhe prodhimi i armëve, armëve shpërthyese dhe i municionit”.

Gjithashtu ai dyshohet të jetë edhe autor i atentatit ë fshatin Larushkë, Krujë, në oborrin e banesës së Gentian Bejtjas, ku mbeti i vrarë kunati i këtij të fundit.

Policia ka konfirmuar se në dorën e majtë të Valter Bamit, i cili u shoqërua në polici pas ngjarjes, janë konstatuar faktorë plotësues të qitjes me armë zjarri.

Euroneës Albania ka mundur të sigurojë foto të Valter Bamit, një personazhi shumë të pëfolur si pjesëtar i botës së krimit në zonën e Fushë-Krujës.

Kujtojmë se në dëshminë e dhënë përpara hetuesve, Bami dhe Marklen Haka deklaruan pas shoqërimit në polici se ata nuk kanë asnjë lloj lidhje me atentatin në fshatin Larushk. Madje ata u shprehën të gatshëm të vendosinin në dispozicion të hetuesve dhe kamerat e banesave të tyre personale në ndihmë të hetimeve.

LEXONI GJITHASHTU:

• Vrasja e kunatit të Bejtjas në Krujë, Valter Bami arrestohet si i dyshuar
• Vrasja e kunatit të Bejtjas, foto e makinës së atentatorëve. Mjeti u vodh në Tiranë
• U shoqëruan për vrasjen në Larushk, zbardhet dëshmia e Marklen Hakës e Valter Bamit