Tërheqja e Kurtit/ Berisha: Kam frikë se ka një marrëveshje më të rrezikshme

Deputeti i PDK, Hisen Berisha e quajti një skenar të paralajmëruar lëvizjet e kryeministrit Kurti.

Në një intervistë për Euronews Albania, ai tha se Kurti bëri që Kosova të sanksionohej nga disa vende për të mbajtur disa qëndrime nga të cilat tashmë po tërhiqet sërish në dëm, të Kosovës.

Sipas Berishës të gjitha lëvizjet e Kurtit janë për të arsyetuar Asociacionin i cili tashmë do u siguroj autonomi territoriale serbëve në veri.

“E solli Kosovën në një pozicion ku të gjitha shigjetat e diplomacisë ndërkombëtare janë kthyer kundër Kosovës. E shikojnë Kosovën si mollë sherri në Ballkan dhe një aset që po plotësonin qëllimet gjeostrategjike të Rusisë dhe tani tërhiqet. Tani Kosova është nën masa sanksionuese, acaroi edhe raportet me Shqipërinë, nuk priti as kryeministrin për procesin e Berlinit.

Ky i bëri dëme Kosovës dhe u tërhoq prapë në dëm të Kosovës. Gjithçka ka ndodhur në veri është skenar për të arsyetuar implementimin e Asociacionit, i cili nuk është me vërejtjet e kushtetutës por autonomi territoriale për serbët në veri. Për shkak të këtyre vendimeve të gabuara të marra jo pavetëdije Kurti organizoi gjithë këtë skenar”,-tha Hisen Berisha.

LEXONI GJITHASHTU:

• Spanja do japë 20.000 € për të rinjtë mbi 18-vjeç/ aktivisti: Premtim fushate…
• “Pasagjerja kishte pirë, tjetra më kërkoi numrin”, stjuardesi flet për ngacmimet