“Gjobaxhie”, Felaj-Bardhit: A ke guxim të përballesh me ligjin për shpifjet?

Nënkryetarja e Kuvendit Ermonela Felaj i është përgjigjur kreut të Grupit Parlamentar të PD-së Gazment Bardhi, i cili e quajti gjobaxhie.

Në fjalën e saj në Kuvend ajo shtoi se ka ardhur në politikë me vullnet të lirë ndërsa shtoi  se Bardhi po bën lojën e palaço-s.

Ajo iu drejtua Bardhit duke i thënë nëse ka guxim që të përballet me ligjin për shpifjet.

“Këtë bënte regjimi, të vinte gishtin e më pas të vendoste faktin. A përballen dot këta nejrëz  me ligjin dhe të provojnë këto shpifje të ulëta. A ke cipë kur merresh me familjen, me motrën, me vëllanë. Publikut i pëlqen loja e palaços, e loja e harbutit. Unë jam në politikë që prej vitit 2009, dhe në politikë kam ardhur me vullnetin tim të lirë, nuk më kanë sjellë as lojërat, as lidhjet. Kam qenë prokurore dhe jam e nderuar sepse në këtë Kuvend në 30 vjet vetëm 3 njerëz kanë ardhur nga shkolla e magjistraturës. Nëse nuk do ishim ne në komisionin Hetimor ju nuk mund të lexonit dot një raport”-tha ajo.

LEXONI GJITHASHTU: 

• Dhunoi me grushte anëtarët e kabinetit, flet deputeti Lushtaku: Ja përse e bëra
• VIDEO| Vritet në pikën e karburantit 50-vjeçari shqiptar, ishte në kafe me autorin