“Çunat s’duhet të lëvizin belin, jam paragjykuar”…Rrëfehet instruktori i kërcimit 

Kërcimet latine janë kthyer në trendin e momentit, pasi po bashkojnë të rinjtë. Madje mes të rinjve është krijuar edhe një shoqëri shumë e pastër, në të cilat ka pasur raste që ka kaluar edhe në dashuri.

River Durra, instruktor i kërcimeve latine tregoi në emisionin Summer Cube në Euronews Albania se është ndeshur shpesh me paragjykime gjatë punës së tij për shkak të llojit të kërcimit që praktikon.

“Unë kam qenë ndër të parët që jam paragjykuar. Familja ime ka qenë kundër, por unë jam  munduar ta hedh poshtë këtë paragjykim, duke i ftuar djemtë të mësojnë  të kërcejnë se mund të afrohen më shumë me vajzat. Nga ana tjetër çunat e tjerë e shohin me dyshim një djalë që kërcen kërcim latin. Tradita shqiptare e ka që çunin s’duhet të lëvizë shumë shpatullat, belin, në momentin që bën këtë shihesh me një sy tjetër. Sot ka ndryshuar disi kjo mendësi”, tha instruktori.

LEXONI GJITHASHTU:

• Instruktorja: 90 % e vajzave kur bëjnë patentën, nuk kanë hipur kurrë në makinë
• Instruktorja e autoshkollës: E kisha ëndërr! Jam ndër të paktat që punoj në Shqipëri