Instruktorja e autoshkollës, Lumturi Pepa, tha se në profesionin e saj janë të pakta gratë e vajzat që punojnë. E ftuar në “Good Morning Albanians”, ajo tha se kur ka filluar punë para 5-6 vitesh, këtë zanat e ushtronin vetëm 2 apo 3 gra në Tiranë.

“Nuk është e lehte por është bukur. Gjatë gjithë kohës njeh njerëz të rinj të ndryshëm, njeh njerëz që të respektojnë e kur të shikojnë në rrugë të përshëndesin. Janë të rralla gratë që punojnë në autoshkollë. Mesa di kanë qenë 2-3 në fillim, tani sikur janë shtuar pak. Këtë e shikoj në makinat e autoshkollës që has rrugës dhe shikoj se ka një grua në krahun tjetër.

Unë nuk kam shumë vite në këtë profesion, 5-6 vite. Makina më pëlqente. Shumica e njerëzve që e pëlqejnë makinën e kanë një herë ëndërr ta mësojnë pastaj ta kenë. unë njëherë e mësova, pastaj s’kisha patentë. Unë patentën e kam marrë në moshën 30 vjeçe, s’kam qenë aq e re”,-tha për Euronews Albania trajnerja e autoshkollës Lumturi Pepa.

LEXONI GJITHASHTU:

• Kryeministri Rama uron Sulltan Nevruzin: Uroj që pranvera të çelë në zemrat tuaja
• Eskpertja e bankës: Kur paguan ‘kesh’ shpenzimet i kupton kur boshatiset portofoli