Kapen “mat” tre shqiptarët në Itali, policia i gjen me kokainë në parking

Policia italiane ka arrestuar 3 shqiptarë pasi gjatë një kontrolli u gjeti atyre rreth 300 gramë kokainë.

Sipas mediave italiane, droga do të shitej në sheshin e Pesaros. Nuk dihet ende se si kanë mbërritur hetuesit te shqiptarët, por është e sigurt se operacioni që çoi në kapjen e tyre ishte planifikuar me detaje.

Nga sa mësohet tre shqiptarët e moshës 20 deri në 34 vjeç janë bllokuar në një parking në qytet, në momentin që do të shkëmbenin drogën.

Duket se 20- vjeçari ka qenë korrieri që ka sjellë drogën dhe dy bashkatdhetarët e tjerë, të moshës 28 dhe 34 vjeç, kanë pasur për detyrë ta shesin në Pesaro.

Të tre u arrestuan dhe janë në pritje të masës së sigurisë.

LEXONI GJITHASHTU:

• Vera plot me aktivitete kulturore, publikohet aplikacioni ku mund të informoheni
• Shfrytëzuan hapësirat publike, sekuestrohen 37 çadra në Himarë, 3 persona në hetim