“Serbia në presion në fortë”, eksperti: Pse po e ndalon eksportin e armëve

Eksperti i sigurisë Drizan Shala tha në një intervistë për Euronews Albania se Serbia është nën presion dhe mund të ndryshojë diskursin e saj.

Ai tha se Serbia duke qenë anëtare e programit për partneritet për paqen në kuadër të NATO-s duket se ka marrë rrugën drejt shkëputjes nga ndikimi rus, ai tha se shteti fqinj mund të bëjë ndryshime në ushtrinë e saj në mënyrë që të përshtatet më tepër me atë të NATO-s

“Serbia është anëtare e programit për partneritet për paqen në kuadër të NATO-s dhe takimi që do të bëjë me Stoltenberg është në rrugën e asaj që Serbia mbase ka marrë rrugën drejt shkëputjes nga pala ruse drejt ndryshimeve eventuale politike të brendshme pasi kjo çështje duhet të shqyrtohet si një mozaik i cili të jep një pasqyrë më të qartë.

Serbia është në presion sa i përket çështjes së Aleksandër Vulinit, është në presion nga ana e palës Ruse sa i përket dhënies së pajisjeve ushtarake për Ukrainën, është në presion nga Bashkimi Europian sa i përket çështjes së dialogut me Kosovën, është në presion për ta kthyer atë në rrugën europiane.

Këto të gjitha të japin një pasqyrë që mbase pjesa e ushtrisë serbe do të ndryshojë diskursin e saj. Serbia po mendon një ndryshim te pjesa e industrisë ushtarake, që të ndryshojë kalibrin që deri më tani i ka pasur për prodhime sovjetike dhe jugosllave, ndërsa tani ta kthejë për kalibrat e NATO-s. pra Serbia po tenton të luaj kartën e “good guy””,-tha Drizan Shala për Euronews Albania.

Për të ndjekur kanalin e youtube të Euronews Albania KLIKO KËTU! 

LEXONI GJITHASHTU:

• Policia kontrolle në banesën e ish-deputetit socialist Rrahman Rraja
• “Paskan probleme!” Gazetarja: Shqiptarët paragjykojnë një çift që fle i ndarë