Përfundon votimi në zgjedhjet e pjesshme të Rrogozhinës

 Në orën 19:00 është mbyllur zyrtarisht procesi i votimit për të zgjedhur kryebashkiakun në Rrogozhinë.

Pritet transportimi i materialeve zgjedhore drejt KZAZ-së dhe më pas nisja e numërimit të votave. Do të jenë 5 grupe që do të numërojnë këto vota. Dy kandidatët në garë janë Edison Memolla i PS dhe Shkëlqim Hoxha i koalicionit “Bashkë Fitojmë”.

Zgjedhjet në këtë bashki u përsëritën pas kontestimit të opozitës të zgjedhjeve të 14 majit për shkak të numërimit të kutisë së burgut.

Sipas KQZ, pjesëmarrja në zgjedhje ka qenë 36.04%.

Kujtojmë se në zgjedhjet lokale të 14 majit, në bashkinë Rrogozhinë triumfoi socialisti Edison Memolla me 21 vota diferencë nga kandidati i koalicionit ‘Bashkë Fitojmë’, Shkëlqim Hoxha.

Rezultati në këtë bashki u kontestua nga koalicioni “Bashkë fitojmë”, pasi sipas tyre pati shkelje gjatë procesit të numërimit, ndërsa diferencën mes dy kandidatëve e bëri kutia e burgut, e cila sipas tyre nuk duhej të numërohej.

LEXONI GJITHASHTU:

• Spahiu: Rama do largojë nga qeveria disa ministra që po hetohen nga SPAK
• Përmbytje në Afganistan, 26 persona të vdekur e 40 të zhdukur