“PS s’bëhet mburojë e askujt”, deputeti: Detyrë e Ramës të zgjedhë ekipin e tij

Deputeti i PS, Lavdrim Krrashi është shprehur se është zgjedhje e kreut të qeverisë Edi Rama se me kë ka dëshirë të punojë e me kë jo.

I ftuar në emisionin “Now” në Euronews Albania, ai theksoi se është detyrë e kryeministrit që të zgjedhë ekipin për të realizuar programin e qeverisjes.

Ai komentoi dhe skandalet e ndodhura së fundmi në radhët qeveritare ku shtoi se ka skandale ku është e përfshirë qeveria por dhe skandale individuale.

“Është zgjedhje e Ramës se me kë ka dëshirë që të punojë. Nuk do të gjesh një parti politike në botë që hynë në zgjedhje për të humbur. Është detyrë e kryeministrit që të zgjedhë një ekip për të realizuar programin. Ka dy lloj skandalesh, skandalet që është përfshirë qeveria dhe ata quhen skandale qeveritare, por ka dhe skandale individuale. Këto janë fenomene të shëmtuar, por ngjarje të ngjashme kanë ndodhur rëndomtë dhe në qeveritë e mëparshme. Ndryshimi është se PS nuk bëhet mburojë e askujt”- tha ai.

LEXONI GJITHASHTU: 

• Largimet në PS/ Spahiu: Pas vendimit të Ramës është SPAK dhe listat për “non grata”
• “Thika pas shpine në PS”, Vangjeli për Asamblenë: Situata s’është aq rozë sa duket