Papa: Mjaft me tragjedi në Mesdhe, Afrika e Veriut varreza më e madhe e emigrantëve

Mesdheu është kthyer në një varrezë për emigrantët, por Afrika e Veriut është varreza më e madhe për ta. Me këto fjalë Papa Françesku shprehu shqetësimin e tij për çështjen e emigracionit gjatë kthimit nga vizita në Portugali.

Ai premtoi se do ta diskutojë çështjen gjerësisht me peshkopët dhe politikanët gjatë një vizite që do të zhvillojë në Marsejë në shtator.

“Ky takim organizohet nga peshkopët e vendeve të Mesdheut, bashkë me disa politikanë, me qëllim reflektimin e tragjedisë së emigrantëve. Mesdheu është një varrezë, por jo më e madhja. Më e madhja është në Afrikën e Veriut dhe kjo është e tmerrshme”, tha Papa.

Pak javë më parë, ati i shenjtë u bëri thirrje liderëve botërorë të ndihmojnë emigrantët e bllokuar në shkretëtirat afrikane dhe kërkoi veprime konkrete kundër ngrohjes globale.

LEXONI GJITHASHTU:

• Papa u bën thirrje të rinjve të mos i humbin shpresat për një botë më të mirë
• Dy emigrantë humbën jetën pas përmbytjeve të anijeve afër ishullit italian Lampedusa