I arrestuar nga “Metamorfoza”, anëtari i bandës së Bajrave kërkon lirinë në GJKKO

Astmer Bilali një nga 6 të arrestuarit e operacionit “Metamorfoza”, ka apeluar ne Apelin e GjKKO masës e sigurisë së arrestit me burg të caktuar nga Gjykata e Posaçme.

Gjatë operacionit të shtrirë në disa qytete të vendit ku u  arrestuan policë, biznesmen dhe prokurorin e Kukësit, Policia ka arrestuar edhe Astmer Bilalin e bandës së Bajrave.

Asmer Bilali, është me precedentë penalë të mëparshëm në policinë e Shkodrës si i dyshuari kryesor për plagosjen e Hermes Beqirit në një nga lokalet e qytetit.

Për ngjarjen e ndodhur në vitin 2017, Asmer Bilali u arrestua në fshatin Grudë ku ishte larguar me motorin e tij për t’ju fshehur policisë.

Atij iu gjet edhe një armë tip pistoletë që mendohet se është përdorur për kryerjen e krimit.

LEXONI GJITHASHTU:

• Përgjimet në SKY, si përdoreshin shefat e policisë për të eliminuar rivalët
• “S’ka gjë të pazbërthyeshme”, eksperti zbulon si funksiononë aplikacioni SKY