U konfliktua me 2 persona dhe kundërshtoi dhunshëm policët, arrestohet 26-vjeçari

Një 26-vjeçar është arrestuar pasi është konfliktuar me dy persona në Bulqizë për motive të dobëta e në momentin kur policia ka ndërhyrë, ai ka kundërshtuar me dhunë punonjësit e policisë.

26-vjeçari E.A. u arrestua për veprat penale të “Kundërshtimi me dhunë i Punonjësit të Policisë”, “Dëmtime të tjera me dashje” dhe “Prishja e qetësisë publike”.

Policia bën me dije se edhe dy personat e tjerë B.Ç., 41 vjeç dhe O.V.,  35 vjeç, do të procedohen të lirë për veprën penale “Prishja e qetësisë publike” .

Njoftimi i policisë

Shërbimet e Komisariatit të Policisë Bulqizë, me marrjen e njoftimit se në qendër të qytetit Bulqizë,  po ndodhte një konflikt mes disa shtetasve, kanë shkuar menjëherë në adresën e dhënë ku ka rezultuar se:

Shtetasi E.A, 26 vjeç,   banues në Bulqizë, për motive të dobëta po konfliktohej me shtetasit B.Ç., 41 vjeç dhe O.V.,  35 vjeç.

Shërbimet e Policisë kanë shoqëruar për në Komisariat palët në konflikt, dhe gjatë shoqërimit shtetasi E.A, ka kundërshtuar me dhunë punonjësit e policisë .

Në përfundim të  veprimeve të kryera nga  Specialistët për Hetimin e Krimit të Komisariatit të Policisë Bulqizë,  shtetasi E.A., është arrestuar në flagrancë për veprën penale të “Kundërshtimi me dhunë i Punonjësit të Policisë”, “Dëmtime të tjera me dashje” dhe “Prishja e qetësisë publike”.

Gjithashtu janë proceduar penalisht në gjendje të lirë shtetasit B.Ç., dhe O.V., për veprën penale “Prishja e qetësisë publike”.

LEXONI GJITHASHTU:

• Mbillnin dhe shisnin kanabis në lokalin në plazh, arrestohen pronarët në Krorëz
• Iku nga “arresti i shtëpisë” për të vjedhur, arrestohet 32-vjeçari dhe 2 të tjerë