Dita e dytë e vaksinimit anti-COVID në ”Air Albania”, së shpejti do u injektohet edhe të moshuarve

Sot në ambientet e “Air Albania” po zhvillohet dita e dytë e vaksinimit anti-COVID.

Pritet që sot të vaksinohen 60 mjekë, mes të cilëve dhe epidemiologë ata nga rrethet.

Gazetarja e Euronews Albania, Dorina Halili raportoi se epidemiologët që do të marrin vaksinën janë kryesisht nga Tirana, Durrësi, Kavaja dhe Kruja.

Shefja e Departamentit të Epidemiologjisë pranë ISHP-së, Silva Bino dha lajmin se pritet që këto ditë të fillojë edhe vaksinimi i të moshuarve në azile. 

“Të moshuarit do të fillojnë menjëherë krahas vaksinimit të mjekëve”, tha Bino, gjatë inspektimit që kryeministri Edi Rama bëri në ambientet e “Air Albania”.

Bino shtoi më tej se asnjë dozë nuk është humbur dhe se organizimi është bërë në mënyrë të tillë që çdo person të vaksinohet në kohën e duhur.

“Nuk kemi humbur asnjë flakon. Kemi bërë organizimin që të mos na humbasë asnjë dozë. Mund të vaksinojmë 600 veta brenda ditës”, tha Bino.

Sakaq, Shefja e Programit Kombëtar të Vaksinimit, zonja Erida Nelaj tha se nga 50 vaksinat që u injektuan një ditë më parë, asnjë pacient nuk pati shqetësime. 

Shefja e programit të vaksinimit: Sot vaksina anti-COVID do t’u injektohet 60 personave, ruhet në frigoriferë -80 gradë në ISHP

Injekohen 50 dozat e para të vaksinës në Shqipëri