S’donte të shtrohej në spital, si nisi konflikti i 62-vjeçarit me familjen në Maliq

Pasi rezistoi për rreth tetë orë duke iu kundërvënë me armë forcat e RENEA-s dhe policisë, 62-vjeçari Ramiz Muçollari nga Maliq u ekzekutua mëngjesin e së shtunës.

Mbrëmjen e djeshme, Muçollari plagosi me thikë bashkëshorten tij Pëllumbeshë Muçallori dhe goditi me tytën e armës djalin e tij, Kamber Muçollari.

Sipas informacioneve bëhet me dije se familjarët e  Ramiz Muçollarit e kanë çuar në spital në Tiranë 62- vjeçarin, i cili nuk ka dashur të shtrohet.

Më pas, janë kthyer në banesë, në fshatin Qesarakë, rreth orës 18:00 të pasdites. Konflikti ka nisur rreth orës 20:00, aty ku autori ka goditur me thikë bashkëshorten dhe me qytën e armës djalin e tij në kokë. Ka qenë fillimisht policia e komisariatit të Maliqit që shkuan pranë banesës, aty ku autori ka qëlluar në ajër, më pas kanë rrethuar zonën, dhe duke parë që autori po bënte rezistencë, kanë njoftuar RENEA-n të cilët mbërritën si repart në banesa duke u përpjekur të negociojnë.

Këta të fundit u përballën me të shtëna nga arma tip mitraloz (i lehtë), ndërsa për 1 orë ka pasur shkëmbim zjarri, dhe autori ka mbetur i vdekur nga plumbat e RENEA-s.

Familja Muçollari nuk ka pasur asnjëherë konflikte mes njëri-tjetrit. Të dy djemtë merren me prodhimin e mjaltit, të gjithë njihen si familje pa probleme.

LEXONI GJITHASHTU:

• VIDEO| 8 orë luftë me policinë, publikohen pamjet e operacionit të RENEA-s në Maliq
• E rëndë në Maliq, burri kërkon të vrasë gruan dhe djalin, qëllon policinë