Italia në zi për shkrimtaren e njohur, “ish-kundërshtarja” e zellshme e Melonit

Italia mban zi për romancieren, dramaturgun dhe gazetaren Michela Murgia, e cila ka vdekur në moshën 51-vjeçare pas një beteje me kancerin.

Shkrimtarja me bindje të majta ka qenë një aktiviste e zëshme e shumë çështjeve sociale, duke të drejtat e komunitetit LGBTI+, por edhe eutanazinë.

Murgia, e cila në vitin 2010 fitoi një nga çmimet më të rëndësishme në letërsinë italiane, Premio Campiello, njoftoi në maj, në një intervistë për gazetën Corriere della Sera, se kishte kancer në veshka të fazës së katërt.

Në të njëjtën intervistë, ajo tha se dëshira e saj e fundi ishte të vdiste kur kryeministrja Georgia Meloni të mos ishte më në krye të qeverisë, duke e cilësuar qeverinë e saj si fshasite.

Në atë kohë, Meloni iu përgjigj duke i thënë se shpresonte që shkrimtarja të jetonte aq gjatë sa për të parë një kryeministër tjetër.

E lindur në vitin 1972 në qytetin Campras të Sardenjës, ajo bëri debutimin e saj letrar në vitin 2006 me romanin “Il Mondo Deve Sapere” (Bota duhet të dijë), një satirë mbi telemarketingun, e cila u shndërrua në një shfaqje me të njëjtën titull. Ndërsa mbi të u bazua skenari i filmit të vitit 2008 “Tutta la Vita Davanti” (E gjithë jeta përpara).

Romani i saj i vitit 2009 ‘Accabadora’ fitoi disa çmime, duke përfshirë “Campiello” dhe Çmimin Ndërkombëtar Mondello.

LEXONI GJITHASHTU:

• “Bëj çdo ditë dashuri me burra, por…” Letra e Obamës për të dashurën në vitin 1982
• Sulmi mbi Urën e Krimesë, Rusia kërcënon me hakmarrje. Momenti kur tymi mbulon zonën