“Mos shkoni në Hawaii”, aktori Jason Momoa paralajmëron turistët

Ylli i Aquaman Jason Momoa ka paralajmëruar turistët që të mos udhëtojnë në Maui, pasi ishulli përpiqet të shërohet nga zjarret shkatërruese.

Aktori vendas nga Havai dhe Aquaman shkroi në Instagram: “Maui nuk është vendi për të kaluar pushimet tuaja në këto momente.

“Mos udhëtoni! Mos e bindni veten se prania juaj është e nevojshme në një ishull që po e vuan thellë këtë”.

Më shumë se 90 njerëz janë konfirmuar të vdekur nga zjarret që shkatërruan qytete, përfshirë Lahaina-n historike.

Momoa ndau gjithashtu një video në të cilën ai tha se komunitetit Hauai “i duhet kohë për t’u shëruar nga pikëllimi”.

“Kjo do të thotë që sa më pak vizitorë në ishull të marrin burime kritike që janë bërë jashtëzakonisht të kufizuara, aq më mirë,” tha ai.

Komentet e 44-vjeçarit erdhën teksa banorët e Maui thanë se ishin të tmerruar nga pamja e turistëve që notonin në plazh, ndërsa banorët po numëronin ende të vdekurit.

LEXONI GJITHASHTU:

• Trafik i rënduar në Durrës/Fundjava shton fluksin e automjeteve në qytetin bregdetar
• “Kosova një partner i rëndësishëm për RMV”/ Kasami: Sulmet ndaj Kurtit të pakuptimta