Aksidentohen 2 turistë gjermanë në Sarandë

Dy turistë të huaj janë aksidentuar një natë më parë në Sarandë. Ngjarja ka ndodhur në afërsi të tunelit të Kardhiqit, ku turistët të cilët udhëtonin me motoçikletë kanë humbur kontrollin e mjetit duke u plagosur.

Përmes një njoftimi zyrtar policia bëri me dije se shtetasi gjerman R. B., 69 vjeç, duke drejtuar motoçikletën, 300 metra në dalje nga tuneli për në Sarandë, ka humbur kontrollin mbi drejtimin e  motoçikletës dhe për pasojë motoçikleta ka dalë nga rruga.

Si pasojë e daljes nga rruga të motoçikletës janë dëmtuar drejtuesi i motoçikletës dhe pasagjeri shtetasi austriak G. G., 60 vjeç.

Të dy shtetasit janë dërguar për ndihmë mjekësore në Spitalin e Sarandës.

LEXONI GJITHASHTU:

• Bum aksidentesh në Korrik, INSTAT: 165 persona u lënduan në 125 aksidente rrugore
• Shkaktoi aksident pasi drejtonte makinën i dehur, arrestohet në flagrancë 30-vjeçari