Ngiste makinën nën efektin e drogës, arrestohet shoferi në Tiranë

Shërbimet e Policisë Rrugore dhe ato të Forcës së Posaçme Shqiponja kanë arrestuar një shtetas që ngiste makinën nën  efektin e drogës, duke e çuar në 29 numri i drejtuesve të automjeteve që kanë rezultuar në efektin e drogave. Në pranga ka rënë shtetasi R.A.

Policia tha se ky shtetas u ndalua për kontroll pasi është konstatuar nga shërbimet e Policisë Rrugore, duke mosrregulluar shpejtësinë në qendra të banuara, dhe pas testimit me aparatin AquilaScan, rezultoi se shtetasi drejtonte automjetin, në efektin e lëndëve narkotike.

Gjatë kontrollit të automjetit, shërbimet e Policisë, i gjetën dhe sekuestruan, në cilësinë e provës materiale, një sasi lënde të dyshuar narkotike kokainë, dhe një mjet prerës thikë.

Në vijim të veprimeve u bë arrestimi i tij dhe materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

LEXONI GJITHASHTU:

• Transportonte 15 emigrantë të paligjshëm kundrejt pagesës, arrestohet 53-vjeçari
• Shkaktoi aksident pasi drejtonte makinën i dehur, arrestohet në flagrancë 30-vjeçari