Dinamika e aksidentit te Liqeni, mjeti ngjiti skarpatin e digës dhe u përplas

Policia e Tiranës ka zbardhur dinamikën e aksidentit të pazakontë, të BMW-së e cila u gjet e përplasur në pedonalen te diga e liqenit.

Policia bën me dije se mjeti tip BMW, i cili drejtohej nga një 26-vjeçar ka dalë jashtë rruge dhe për shkak të shpoejtësisë ka ngjitur skarpatin e digës së liqenit.

Mjeti është ndalur kur është përplasur me me bordurën mbrojtëse anës liqenit. Policia ka bërë të mundur identifikimin e të riut i cili u largua nga vendngjarja.

Materialet procedurale në ngarkim të tij do t’i kalojnë Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale, për veprat penale “Shkatërrimi i pronës” dhe “Largimi nga vendi i aksidentit”.

“Më datë 22.08.2023, rreth orës 05:15, në Rrugën e Kosovarëve, dyshohet se automjeti tip “BMË” me drejtues shtetasin E. A., 26 vjeç, banues në Durrës, ka dalë jashtë rruge dhe është ngjitur në skarpatin e digës së liqenit, më pas është përplasur me bordurën mbrojtëse anës liqenit.

Drejtuesi ka braktisur automjetin dhe është larguar nga vendi i aksidentit”, njofton policia.

LEXONI GJITHASHTU:

• Automjeti futet në pedonalen e Liqenit Artificial, përplaset me murin e digës
• Zhduket 25-vjeçari në Tiranë, e ëma ngre alarmin në polici
• Kanosën biznesmenin në Krujë të tërhiqte kallëzimin për vjedhje, arrestohen auorët