Zjarri në Shpirag, 50 FA, 5 mjete dhe helikopteri Cougar për shuarjen e flakëve

Një zjarr i madh ka rënë mbrëmjen e djeshme në Malin Shpirag në Berat dhe flakët vijojnë të përhapen me shpejtësi për shkak të erërave dhe temperaturave të larta.

Ministri i Mbrojtjes, Niko Peleshi bëri me dije se janë angazhuar 50 trup të Forcave të Armatosura, 5 mjete dhe një helikopter Cougar.

“50 trupa të FA, 5 mjete dhe helikopteri Cougar vijojnë angazhimin prej natës së mbrëmshme në shuarjen e flakëve në malin Shpirag të Beratit, ku zjarri mori përmasa të mëdha. Puna nga terreni e ajri vazhdon për të vënë në kontroll përhapjen e flakëve të cilat u favorizuan nga era dhe temperaturat e larta. Situata është e vështirë për shkak të terrenit por operacioni i Forcave të Armatosura do të vazhdojë me intensitet për të eliminuar plotësisht çdo vatër. Do bëjmë të pamundurën për të ruajtur pasurinë tonë kombëtare! shkroi Peleshi në një postim në Facebook.

Dyshohet se shkak për zjarrin është bërë një shkarkesë rrufeje në zonë.