Vendosi muzikë të lartë pas orarit të lejuar, procedohet penalisht 33-vjeçari

Një 33-vjeçar në Himarë është proceduar penalisht pasi vendosi muzikë të lartë në lokalin që kishte në pronësi, pas orarit të lejuar.

Gjatë kontrolleve të ushtuara nga policia të riut i janë sekuestruar pajisjet që gjeneronin muzikën.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.

Njoftimi i policisë

Në vijim të kontrolleve të kryera në bazë të kallëzimeve të qytetarëve/pushuesve, për muzikë tejet të lartë dhe pas orarit të përcaktuar, në lokale në qytet apo në zonë bregdetare, shërbimet e Komisariatit të Policisë Himarë kanë konstatuar dhe kanë goditur një tjetër rast të kësaj paligjshmërie, rast për të cilin u referuan materialet në Prokurori ku nisi procedimi në gjendje të lirë, për veprën penale “Prishja e qetësisë publike”, për shtetasin E. A., 33 vjeç, banues në Tiranë.

Gjatë kontrolleve të ushtruara në mesnatë, në lokalin në pronësi të 33-vjeçarit, në lagjen “Spile”, shërbimet e Policisë konstatuan se ishte vënë muzikë e lartë që shqetësonte banorët/pushuesit përreth.

Gjithashtu, për këtë rast u sekuestruan pajisjet që gjeneronin muzikën.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.

LEXONI GJITHASHTU:

• Partizani ‘dorëzohet’ në Kazakistan, Ballkani drejt përsëritjes së suksesit
• Pësoi arrest kardiak, aktori: Vdiqa 7 minuta dhe u ktheva në jetë. Ja çfarë pashë