Helmimi i polakëve në Vlorë, reagon AKU

AKU ka dhënë një deklaratë zyrtare për polakët të cilët janë paraqitur në spitalin e Vlorës me simptoma helmimi.

Sipas policisë bëhet fjalë për 41 shtetas, ndërsa AKU thotë se turistët kanë qenë me pushime në Shkodër dhe kanë udhëtuar drejt Vlorës.

AKU ka bërë me dije po kontrollon të gjithë subjektet sipas itinerarit të turistëve, ndërsa sqaron se gjendja e tyre është e stabilizuar.

Njoftimi:

I bëjmë thirrje operatorëve të kenë kujdes dhe të mos operojnë me shërbim ushqimi pa qenë të autorizuar e të licencuar lidhur me kriteret e sigurisë ushqimore dhe të kenë kujdes me kushtet e ruajtjes në temperaturat e larta të sezonit.

I bëjmë thirrje konsumatorëve të mos konsumojnë ushqime që kanë qëndruar për më shumë se 2 ore pas gatimit jashtë frigoriferit.

DRAKU Vlorë po bashkëpunon me autoritetet vendore shëndetësore dhe agjencitë ligjzbatuese për udhëheqjen e një hetimi toksikologjik lidhur me çështjen. Objektivi ynë kryesor është përcaktimi i burimit dhe shkakut të kësaj incidence ushqimore që ka prekur pacientët.

Gjetjet paraprake orientojnë tek një lidhje e mundshme mes operatorit që ka shërbyer ushqim dhe kushteve klimaterike me temperatura të larta.

LEXONI GJITHASHTU:

• 100 mln€ për riciklimin e mbetjeve në Fier e Elbasan? Rama: Shikoni Fletoren Zyrtare
• Arrihet marrëveshja, austronauti i SHBA do dërgohet edhe në një fluturim tjetër rus
• Helmimi i polakëve në Vlorë, reagon AKU