I vuri zjarrin një sipërfaqe toke duke rrezikuar makinat, arrestohet 33-vjeçari

Një 33-vjeçar është arrestuar pasi i vuri zjarrin një sipërfaqeje toke, me bimë të ulëta, anash aksit “Bushat-Barbullush”.

Flakët rrezikuan dhe mjetet që qarkullonin në rrugë.

Policia bashkëpunoi me komunitetin për të kapur shtetasin me iniciale A.M., banues në Trush, Vau i Dejës.

Njoftimi i policisë:

33-vjeçari, duke iu vënë zjarrin bimëve të ulëta, në anë të aksit rrugor, rrezikoi përfshirjen nga flakët, të mjeteve të qarkullonin në këtë aks, si dhe të sipërfaqeve të mbjella dhe të banesave përreth.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.