Euro njeh vetëm rritje, tani në pikiatë “po shkon” leku

Valutat e huaja e kanë nisur javën me rritje. Euro, monedha kryesore që qarkullon në Shqipëri, këmbehet 110.6 lekë. Ajo po rritet në mënyrë progresive që pas javës së parë të gushtit, duke fituar më shumë se 7 pikë brenda 20 ditëve.

Këto pikë të fituara të euros në tregun vendas kanë ndikuar edhe tek valutat e tjera. Kështu vlera e dollarit amerikan është rritur në 102.5 lekë, e paundit 129 lekë dhe frangës zvicerane për 115.7 lekë.

Dobësimi i lekut në këtë periudhë është i pazakontë, pasi përgjatë gjithë muajit gusht fluksi i valutës së huaj ka qenë i lartë nga prania e tursitëve, cka matematikisht do të conte në zhvlerësimin e tyre.

Megjithatë, ndërhyrjet e Bankës Qendrore në tregun valutor, besohet se janë faktori kryesor që ka ndikuar në rritjen kursit.

Kjo e fundit vendosi zyrtarisht të ndërhyjë në treg, duke rritur shumën e planifikuar të blerjeve të valutës për këtë vit.

Vendimarrja tregon se shuma e parashikuar e blerjeve për vitin kalendarik do të jetë në intervalin mes 220 dhe 300 milionë, ose 80 deri në 140 mln euro më shumë se planifikimi fillestar.

Kujtojmë se valutat e huaja u zhvlerësuan në rekorde historike këtë vit, duke goditur shumë biznese që kryejnë pagesa me euro osë dollarë.

LEXONI GJITHASHTU:

• Monedha europiane fiton pikë, rriten edhe valutat e tjera
• Euro ra kundrejt dollarit, lajme të këqija nga Eurozona dhe Gjermania