Flakët e zjarrit përfshijnë varrezat e dy fshatrave në Pogradec dhe Pustec

Një zjarr i rënë në fshatin Udënisht të Pogradecit këtë të hënë ka përfshirë dhe varrezat e fshatit.

Siç shihet dhe nga pamjet e siguruara nga Euroneës Albania, flakët e zjarrit kanë jegur barishtet e varrezave, por nuk kanë dëmtuar varret, fal fikjes në kohë nga ekipet zjarrfikëse.

Menjëherë pas njoftimit në vendngjarje mbrritën forcat zjarrfikëse të cilët neutralizuan përhapjen e flakëve.

Ende është e paqartë nëse zjarri ishte i qëllimshëm nga dikush, apo aksidental nga qirinjtë që personat ndizen në varreza për të afërmit e tyre.

Në vendngjarje shkuan edhe efektivë të policisë të cilët nisën hetimet mbi zbardhjen e rrethanave të ngjarjes.

Por ky nuk ishte rasti i vetëm. Varrezat e një tjetër fshati në juglindje u përfshinë gjithashtu nga flakët. Zjarri që përfshiu pyllin e fshatit Zaroshke të Bashkisë së Pustecit, u përhap dhe te varrezat e fshatit, por më pas u neutralizua nga forcat zjarrfikëse.

LEXONI GJITHASHTU:

• Zjarr në një magazinë në Gjirokastër, rrezikohet nga flakët një banesë
• Situata nga zjarret, Ministria e Mbrojtjes: Janë shuar 15 vatra, 2 ende aktive