I dënuar me 25 vite burg në Peru, arrestohet në Morinë 58-vjeçari (Emri)

Një 58-vjeçar, banues në Ukrainë, është arrestuar këtë të hënë në Pikën Kufitare të Morinës në përpjekje për të hyrë në territorin shqiptar.

58-vjeçari i identifikuar si Dmytro Chornyi rezulton si një person i dënuar me 25 vjet burgim, nga autoritetet e Perusë, për trafikim të armëve dhe për krime kundër shtetit.

Chornyi u ndalua pas verifikimeve të kryera gjatë verifikimeve dhe intervistimit në vijën e dytë të kontrollit në Morinë.

Ai u ndalua me qëllim ekstradimi drejt Perusë për t’u përballur me autoritetet aty për të vuajtur dënimin e dhënë.

“Në këtë kuadër, në bashkëpunim me shërbimet e Drejtorisë Vendore të Policisë Kukës, dhe si rezultat i shkëmbimit të informacioneve nga shërbimet e Interpol Tiranës, u ndalua dhe u vu në pranga, me qëllim ekstradimin drejt Perusë, shtetasi i kërkuar ndërkombëtarisht Dmytro Chornyi, 58 vjeç, banues në Ukrainë.

Gjatë verifikimeve dhe intervistimit në vijë të dytë, në hyrje të vendit, rezultoi se 58-vjeçari ishte i dënuar nga autoritetet gjyqësore të Perusë, me 25 vjet burgim, për veprat penale “Trafikimi i armëve” dhe “Krimet kundër shtetit dhe mbrojtjes kombëtare”, të parashikuara nga legjislacioni penal i Perusë.

Interpol Tirana vijon të bashkëpunojë me homologët në Peru, për ta ekstraduar shtetasin Dmytro Chornyi, drejt këtij shteti”, njofton policia.

LEXONI GJITHASHTU:

• “Ma vranë para syve”, flet vëllai i 23-vjeçarit shqiptar që u vra në Itali
• I vodhi telefonin turistit italian, arrestohet 33-vjeçari në Përmet